110

بھارت 30 سال سے دہشتگردی میں ملوث، کلبھوشن ثبوت ہے، پاکستان کا جواب الجواب

بھارت کااقدام اگر کشمیریوں کی فلاح کے لیے ہے تو کرفیو کیوں نہیں ہٹاتا، گاندھی کو قتل کرنے والے آج سیکولر انڈیا کے نظریے کو قتل کررہے ہیں ،نیویارک(لاہور پوسٹ) اقوام متحدہ میں بھارت کے جواب پر پاکستان نے ایک بار پھر کرارا جواب دیتے ہو ئے کہا کہ بھارت 30 سال سے مقبوضہ کشمیر میں دہشتگردی کر رہا ہے، بھارتی جاسوس کلبھوشن نے پاکستان میں دہشتگردی کا اعتراف کیا جو ناقابل تردید ثبوت ہے۔ وزیراعظم نے دنیا کے سامنے بھارت کا چہرہ بے نقاب کر دیا۔پاکستانی سفیر ذوالقرنین چھینہ نے جنرل اسمبلی میں خطاب کرتے ہوئے کہا کہ بھارت 30 برسوں سے وادی میں دہشت گردی کر رہا ہے، سفیر نے سوال اٹھایا کہ بھارت کااقدام اگر کشمیریوں کی فلاح کے لیے ہے تو کرفیو کیوں نہیں ہٹاتا۔پاکستانی سفارتکار نے کہا کہ بھارت مقبوضہ وادی کا ذکر تک کرنے سے کترا رہا ہے، بھارت کشمیریوں کو بولنیکی آزادی کیوں نہیں دے رہا۔انہوں نے کہا کہ بھارت جو چھپانا چاہ رہا ہے وزیراعظم عمران خان نے وہ سب دنیا کو بتا دیا، وزیراعظم عمران خان نے دنیا کے سامنے بھارت کا چہرہ بینقاب کر دیا، بھارتی حکومت آر ایس ایس کے نظریئے کو آگے بڑھا رہی ہے، مہاتما گاندھی کے قاتل سیکولر بھارت کے آئیڈیاز کو قتل کر رہے ہیں، گجرات میں قتل عام کرنے والوں سے جواب طلب کیا جانا چاہیے تھا، بھارتی جاسوس کلبھوشن نے پاکستان میں دہشت گردی کا اعتراف کیا۔

اس خبر پر اپنی رائے کا اظہار کریں

اپنا تبصرہ بھیجیں